Zindagi

Tried Hindi poetry for a change, inspired by ZNMD.

Raahon mein itni tanhaayiyan hai kyon

Aankehn meri itni nam hai kyon.

In hothon ki pyaas mit-ti nahin hai kyon,

In lafzon mein pyaar bhar rahi hai kyon.

Nigaahon mein teri parchaayiyan hai kyon,

Khayalon mein tu aati hai kyon

Yaadein teri is dil ko bharein itna,

Ki aankhein meri bhar aati hai kyon.

Zindagi hai yeh waqt ka safar,

Ghadi ke kaanton ki tarah bas chalte hai ham.

Har waqt lage kahin aur hai manzil,

Chalte rehte hain hum dhoondte hue saahil.

Ud raha hai aaj dil mera,

In havaoon ke pankh lekar,

Baadalon ko jhaank-ke mein dekhoon,

Lage ki poora aasman hai mera

Armaanon ki is kashti mein,

Khoya humne hai bahut paya kam.

Lekin jo paya woh kimti hai itna,

Ki zindagi ko jeena seekh gaye hai hum.

Chodke sab kuch chalte hain hum,

Bas yaadon ko leke jaa rahe hain.

Raahein kholke apni baahein hai bula rahi

Zindagi ko dhoondte hue niklein hain hum.

Phir bhi, raahon mein itni tanhaayiyan hai kyon

Aankehn meri itni nam hai kyon.